Fefe | 30th Jan 2007 |
人生經驗 (Life Experiences) | (219 Reads)
Fefe | 26th Jan 2007 |
人生經驗 (Life Experiences) | (229 Reads)
真係嚇死人啦!你地有無試過呀?澳門塔的Skyjump係全世界最高架。我老公都話想跳架,佢老婆我就便係死都唔俾佢跳啦!我如果見到佢跳,我可能都會嚇到心臟病。而且我見到人地行Skywalk,見到我腳仔軟。人家都知,我小女子係極怕高,而呢個Skywalk中係在六十幾樓咁高,中要一出去行,就不能吃回頭草,行完成個圈先至番得入黎,真係咪攪我。我亦知係唔平個喎。不過,有D人鐘意個種rush的感覺,只不過自己係好膽小姐!咁,你地有無試過呀?
Fefe | 23rd Jan 2007 |
生活 (General Life) | (268 Reads)
大家都知道我同我老公係在美國處女辟島的St. Thomas行西式婚禮結婚的。所以我地係無行中式婚禮的。本來唸住聖誕節番香港時, 我同我老公去租套中式唐人禮服影番D相。但我媽同我地問個賈,佢話好鬼貴,無謂駛埋D咁既無謂錢。所以我地聽我媽話,無哂錢去租套中式唐人禮服影相。但係有一日同我媽行街時,咁喬經過行中式唐人禮服的店鋪時,見到櫥窗的模特兒,咪心血來潮影番張相囉!後黎啤我老公睇,佢覺得件禮服好特別,但就話好難想像自己擺個大紅花保呔係正自己個心口。我就話就算佢唔怕擺個大紅花保呔係正自己個心口,佢都唔會租到或買到佢著到既size啦。佢著美國人的XL。我地行波鞋街時,見到又平又靚的名牌波鞋,想買番幾對俾佢。點知行完整條鞋,一間一間咁問,全部都話size10係最大,無size12喎。真係激死人呀!所以唐人結婚禮服,無佢咁既size,一D都唔出奇既。影番張相咪算囉!
Fefe | 18th Jan 2007 |
生活 (General Life) | (249 Reads)
<>大家估下我地係在那間餐廳食到以下的食物呢？
Hint: 係在香港某一間餐廳食到既...
呢條問題可能難唔到香港的朋友,不過就難到我在美國的朋友。無錯就係香港Pizza Hut香港必勝客啦！雖然大家知Pizza Hut 係源於美國,但美國的Pizza Hut好鬼醜樣,雖然亦有堂食,但主要都係take out外賣送貨。番到香港,見到Pizza Hut,被它的堂煌華麗的裝修和難以致信,千變萬化的Pizza款式和各式菜單嚇了一跳。我可以食到蟹腳軟心脆邊pizza批, 各式海鮮pizza批, 大蝦鮮果沙津, 西班牙白酒藍青口,豬仔骨, 法式烤羊架和酥皮香濃海鮮湯。簡直係難以至信,差點以為去錯了餐廳。講真,我唔係鐘意食pizza的人,但見到咁正的蟹腳pizza和琳琳種種的其他美食,再加上老公係香港時有點思鄉,所以就決心去試。果然無令我地失望,仲食過番尋味,下次番香港時一定要再去食先得。還有一樣要讚香港必勝客的是它地的ice tea凍檸茶,好鬼有美國南部(尤其係我地住緊果個州)的風味,連隻飲杯都好有地道風格,真棒！真棒！
Fefe | 13th Jan 2007 |
家庭 (Family) | (223 Reads)
今次番香港,除了探父母之外,最大的使命係保請親友食番餐小型婚宴餐..真係好鬼開心,鬼咁多好野食,有龍蝦,帶子,豪,生斑,雞,鴿,牛,豬,樣樣都好食到嘔..不過最開心既係可以見番一D有十幾年無見的親戚,仲有三個從來未見過的我叔叔D仔女,佢地都十幾歲啦...嘩,唔認老都唔得啦!佢地個個都好叻,細細個英文已經拍拍聲,同我老公有傾有講,我D叔和姨姨都好似好鐘意我老公,問佢好鬼多野,仲約定下一次番黎,要帶佢去打golf或會親自下廚整番幾味俾佢食..我其中一個姨姨猛讚我老公好靚仔,雙眼又大又藍..我契媽亦讚佢渣筷子好叻,而且好尊敬長輩,係個好男人,好丈夫,叫我好好珍惜..咁當然啦!佢唔好我都唔會嫁佢啦!總然而之,我感謝上天俾我一個好老公和永遠愛我的家人..相隔異地咁耐,再重逢亦無隔疏的感覺,仲係大時大節,百忙之中俾足面抽空黎見我,人生如此,又有何遺憾呢?
